OGOTERA 276 - 300

TER` OBWANCHARI BWA YESO   1 Ter`obwanchani bwa Yeso, N`amabera, N`obuya As`omochie bw`oborabu, `Toroseri` obomenyo.   Chorus: Togoi. . . ka Igoro,  `Mogoko ki orab` eker` ekio; Tomoro. . . re  Ye. . . so,  Totere as`obobui.   2 Gatore as`orogendo, `Mare natub` erioba; Korende ko rwaerire, kweumia ngokobao.   3 Tiga tobe abegenwa, Tomokorere rioka; Okomorigereria iga, natonyor` obogima.   4 Gochia bosi` as`ekeegwa, Bwango natomorore; Egeita nakeigorwe, Totar` Omochi` Omuya.

NAIKIR` ENSE Y`OMWANDO   1 Naikir`ense Y`omwando `S`enibo nairwe bosa, Ens`eyio tibori koira, Omosunte oetire.   Chorus: Ens`engiya, `Ngiya mono, Gantenein` as` egutunwa; Nindore Ngumbu Y`enyancha, Ase ndoseiri ` obomenyo Ndoro`engegu Y` obonene, `Bomenyo bwane botambe.   2 Nintare n`omonen`one, tori`emes` engiya nere; `S`amaig` andae n`okoboko, chinsinyo chi`ense ya Igoro;   3 Gotiok`okuya gokorwa, `s`ebisicha bitakuoma; Bi`emete Yamete_igoro, `sechinsoko chi`obogima.   4 Mariogi`amaya nareo, Ay`ogotera kwa_Igoro; `Malaika bagotera; Amo nabwo babuire.

`BUYA MBORE NKA   1 `Buya mbore nka k`obwachani boreo, `Mogoko` oigweke k`obwanchani bore nka; `Morembe n`omoigoto, N`omogoko bibeo, Ng`akiere buya k`obwanchani bore nka.   Chorus: `Bwanchani, bore nka, Ng`aki_ere buya k`obwanchani bore nka.   2 `Mogoko nyomba k`obwanchani boreo, Moko tegocha, k`obwanchani bore nka; Bisicha biam`as`ense, s`emegond` emiya, Bogima bwagokigwa, `Bwanchani nyomba.   3 Igor`egoka k`obwanchani bore nka, Ens`eichorw`obwanchani ko bore nyomba; Agansoko gatera, Igoro ner`eraba, k`obwanchani bore nka, Yes` agokigwa.   4 Yeso nkore mb`oyoo bwanchani boche, Nsang` ekeng`wanso kiao, `Rio twanchane nka; Ntimoke korw`obobe, Tindengereri `ebibe, `S`obuya nseseneke, Bwanchani nyomba.

TENENA ASE CHIIRA CHIA YESO   1 Tenena ase chiira chia Yeso. Nigo aratogigw `Ere botambe; Moterer` Omonene bw`emeganda, Tenen` ase chiira chiaye.   Chorus: O-te-ne-ne (Tenen`ase chiira chi tenen`ase chiira) Tenena`ase chiira chi`omonene o-te-ne-ne (T`enen`ase chiira,Tenen`ase chiira) Tenen` ase chiira chiaye.   2 Tenena ase chiira chia Yeso, Omobe Saitani tagotema; Gochia enchera yaye eria embe, Tenen` ase chiira chiaye.   3 Tenena ase chiira chia Yeso, Mogende n` Er` esegi timorosa; Mobabu` ababisa ba Saitani, Tenen` ase chiira chiaye.

TOUMERANE N`ABASANI   1 Toumerane n`abasani as`ens `engaki egoeta, Twaichana korengereria ng`a, goika totigane.   Chorus: Ntogotigana Igoro titogotigana. Ens` engiya y`omogoko, titogotigana.   2. Twasemeirie `ker` emeremo y `ens `ekoera, Ntomeny` amo n`abasani baito twatiganete.   3 Mang`ana y`ogotigana takab`as`enk`eri` enyia, Toter`amatera y`omogoko kare na kare.

GOKW`ASE YESO!   1 `Gokw`ase Yeso! Nokuya ond`ataboke korera; Nobotimoker`obuya, Botasarigwe n`obobe.   2 Gokw`ase Yeso! o mbuya ase oy`ogosundoka; Gotimok`as`okwegena, Gosemeria `sesenirie.   3 Gokw`ase Yeso! `Morembe, `koboka gosesenirie; `Nguru chi`Omotoria nchigotangwa n` obobe, n`obwoba.   4 Gokw`ase Yeso! Nobok` egetureri gekobuga; Chimbera nachimanoke, Baboke tibakwa rinde.

NARORIR` ENSOK`ENGIYA   1 Narorir`ensok` engiya, `Nsok` entamb`eng`are Yes`Omonen`ogotoria, Ror`amaot`aye.   Chorus: Ndoch`ensoko y`ogosibia, Nsoe im`ensibie kegima, Baka Tata yansibirie, yansibirie, yansibirie.   2 Bogim`oboyia bwachire, Manying`agokwana; Akwan` obobe bosira, Ins` as` omorindo   3 Ngotara nd`asoborabu, kobua ebibe, Nkor` enchenu, ang` endabu, Nkrist` omenyete ime.   4 `Buya bw`ogokumi` ens`aa, Manying` aitegete, Yeso bweka namanyire, Yes` ori` onkwerete.

OTOBATISE, AS`OMOIK`OO   1 Otobatise, As`Omoik`oo; As`obwanchani tobeke chinguru.   Chorus: Twagosabire Yes`Omotori `oito; `S`Omoika n`obwanchani tobatise.   2 Twarer`as`ore, Ntw`abanyabibe; Tosibie, tochene korw`as`ebibe.   3 Iruma ria_Igoro, Ika Korwa_Igoro; Twasab`ebisio, `S `amabera nchw`ang`e.   4 Igwa eriogi, Riarwete_Igoro; Ay`Omwanchw`one, Ngokiri`as`ore.   5 Natokobake, Eng`ondi yaitetwe; Natogosasime, Amen, Amen.

YESO NG`ENDAGERA Y`OBOGIMA   1 Yeso ng`endagera Y`obogima, Buna gwakorete ang`e` nyancha; As`amarik`ao ninkorigie, Nkoro nekoganetie, `Ring`ana!"   2 Seseni`ekeene namanyire, Buna gwaseseneti `omogati; `Bosomba bosire n`ebisibo, Nyore omorembe ase bionsi.   3 `Mang`an`ao Moika n`obogima, Ko tindi na nguru chi`okoigwera; Naye ogokonywa n`obogima, Nganetie nyigwer`amang`an`ao.

[A]  EGETARE KI` EMIAKA   1 Egetare ki`emiaka, Nyebise im` as` ore; Amache n`amanyinga, Bikorw` omober` oo; Bib` eriog` as`ebibe, Nkonye korwa ebibe.   2 Meremo y`amaboko, Tegonkorera gento; Nonya n`omokia bwonsi, `Mariga naiteka; Ase nde `bibe mbosa, Naye bwek` orankonye.   3 Tindi koreta gento, `Mosalaba ndaimokie; Mbosa nde aye mboyie, Nakorigereire; Ay` ensoko `bogima, Onsibie tinkwa ense.   4 Kangokor` orogendo, Mobui bw` ababisa; Ng`iruruke gochi` are, nkoror`As`ekerogo; Egetare ki`emiaka, Nyebise ime as` ore.   [B]  GATOGOCHICHA AMO   1 Gatogochicha amo, As`okoinyora Yeso; Toinyore Yeso Kristo, Tomwanche as` omoyo, Bono toinyore Yeso, `Y`onkwerete Kalwari   2 Gatokori` omogati, Na konyw` egekomb` eke Toinyor` omober` oye, Obambetw` as` omote, Toinyor` amanying` aye, `Ri` aitegete Kalwari   3 Tata_iter` Omoik`oo, Aso`ase chinkoro; Koinyora omwan` oo, Bun` akweret` abanto, `Manying` ay`agaiteka, Agakw`aria Kalwari. ...

IGW` ERIOGI RI`OMORISIA   1 Igw`eriogi ri`Omorisia, Korw`eror` Omosunte ime; Korangeria `ng`ondi `nsiru, Korw`obweri bw`omorisia   Chorus: Chirete, chirete, korwa rinani ri`ebibe; Chirete, chirete, chirete ase Yeso.   2 Ng` okomokony`omorisia, Korigia `ng`ondi chinsiru; Ng`ogochiirania bweri, Chitangwe korw`obokendu.   3 Igwa chikwan`eroro ime, As`ebitunw`ebitambe; `Gw`Omonen` ogotomire, `Gend`ondigerie ching`ondi.

NKI TWASABER` ABANA?   1 Nki twasaber`abana, `Ba baiboirw`as`ense; `Mais`ab` akoigoka, `Nkor`emany`obwanchani.   2 Obogim`obuya, Twasabeire Nyasae; Emeremo emiya, `B` as`obogima bwabo.   3 Twasabir`obong` aini, ogokor`okuya; N`Omoik`omoitongo, Okoremi `abataka.   4 Chinguru as`amatemwa, chibu`oborwaire; Koma`obonda bwa_Igoro, Koba omogoko.   5 Nabo twabasabeire, As`emambi `engiya; `Mogok`ob`oichore, Bun`ensoko y`amache.

`BWANCHANI BWATOGOKIA   1 Bwanchani bwatogokia, `Toroseri` enchera; Botoinyoria kob`abaya, `S`abande botambe.   Chorus: Nyasae, Ere n`obwanchani, Naintwe, Nabaye tore; Bwanchani bwatogokia, `Toroseri`enchera;   Botoinyoria kob`abaya `S`abande botambe.   2 Ens` ey`omoichano, `Borwair` amakweri; `S`obwanchani natoteme, Gokonya chinkoro.   3 Amatuk`akoera, Tokoirwa igoro; Natoter`agwo botambe, `Bwanchani bwa Yeso.

NAGOKIRE NG`A TAT`ORE_IGORO   1 Nagokire ng`a Tat`ore_igoro, `Teb`obwanchani bway`as`ebuku; `Makumi` amange narorire ime, Kobu`onsi Yeso nanyanchete.   Chorus: Nagokire Yes`Anyanchete, Nanyanchete, nanyanchete;   Nagokire Yes` Anyanchete, Nanyanchete mono.   2 Nonya nkomweb`erio natayaya, `Nyanchete rioka nonya ngosira; Nimotamer`er`oyonyanchete, Gankoinyora bun`er`ankwerete.   3 Onye kore gotera ndatere, `Kero namororir`Omotoria; Nakw`oko goika kare na kare,``N`ogokumia ki Yes` Anyanchete.

YES`OMOSANI BW`ABANA   1 Yes` Omosani bw`abana, `Be `Mosani`one; Mbwat `okoboko mbe naye, Botambe.   2 Nyegerie nkine n`obuya, `Matuk`onsi; Aye nkwabet`omwana, Nomanyete.   3 Ndae ker`enchera, As`obosae bwane; Ng`ainie nkong`a as`ekeene kiao.   4 Tontuguta, korend` ay` ob` omosani `one; Ninkoganetie botambe as` obogima.

NIMORIGIE YESO GENKIO   1 Nimorigie Yeso genkio, Nimwegere botambe, Mbwati` Amabarato Aye, Ntar`encher` enyerere.   Chorus: Onyanchire Ee `nyanchire, Namanyire `nyanchire, Yeso `Kanyancha `gankwera, Naki` ekio Mwancherete.   2 As` aranchike ningende, Tindi moke ningende, `Nchera ase atang`aine, Tindi moke komanya.   3 Ingesieri ateneine, `Botamero bw`ebibe, Ninture orir` eira, Aigwe anyigorere.

[A]  NKWAROSIRE?   1 Nkwarosire. gwaichanire nagochandeka? "Nchw`ateba, Eri`aye otimoke."   2 Naki ndamomany`erio nch`asar`oy`okondaa? "Nare amaot`as`ebimo biaye."   3 Ner`egutw`Omogambi abekeirw`Omotwe? "Maene negutwa, Ko neyamagwa."   4 Komonyora nagotunya nki ndanyoreo? "Obororo, `meremo namaiga."   5 Kondabwaterere nki ndanyor`Omoerio? "Bokong`u mboere ng`ete Yordani."   6 Ndamobori` ang`ire mbe oyoye nanyange? "Takwanga igoro nense nchieta."   7 Korigia, gotunya, korenda, nasesenie? "Abachenu mwensi iraneri `ee." [B] ABARWANI MWEMANYE INWE   1 Abarwani mwemanye_inwe n`ab`Omonene, Mebere yaino n`enibo yaye Nyasae.   2 Akaba` amaboko, `magoro n`amaiso, Erio momanye buna inwe n`abaye more.   3 Momoinyor` Omonen` as`obosae bwaino, Obogima bwaino bob` ekeng`wans` as`are.   4 Omobas`oin`obare as`abanto bonsi, `Gokora kwain`okuya kobake Nyasae.

`KERO YES`ARWETE_IGORO   1 `Kero Yes`Arwete_Igoro, Gokwera abanyabibe; `S`amabera taetaneti` Abake buna nche.   2 Akabarigi` abanene, As`are kworokereria; Bakamoretera abana, Abake buna nche.   3 `Monene tabaseretie, Nigo abatigete as`are; Tatigete ond`airane, Omoke buna nche.   4 Akarw`obogima bwaye, `Batorie korw`amakweri; Nomobui bw`ogotoria, Abake buna nche.   5 Abana momwanche bono, Mokore ogwancha kwaye; Momosabe, momobake, Abana buna nche.

NTWE N`ABANA B`ERWOTI   1 `Ntwe n`abana b`Erwoti, ya Igoro, ya Igoro `Ntwe n`abana b`Erwoti, Ter` as` orogendo; Yeso omotang`ani Atotebia ntoiroka, `Mobwatie ang`e ang`e, Ter`as`orogendo.   2 Twatara kogenda nka, Nka seito, Nka seito, Twatara kogenda nka, Ter` as` orogendo; Gochi `omochi`otarore, `S`obotuko botari, Yeso ner`Omobaso, Ter` as` orogendo.   3 Twarara n`omogoko, `Mogoko, mogoko; Twarara n`omogoko, Ter` as` orogendo. Twatar` as`orogendo, n`echinkoro chinchenu, Goika toyeror` enka. Ter`as`orogendo.

RERO KRIST`OBOKIRE   1 Rero Krist`obokire Ha-le-lu-ya! `Goro n`ense `tebire Ha-le-Iu-ya `Geturi Ki`obobui Ha-le-lu-ya! `Gor`etere `rise itabe Ha-le-lu-ya!   2 Moy`Ar`Omonen`oito Ha-le-lu-ya! Amakweri kai are Ha-le-lu-ya! Agakwa atotorie Ha-le-lu-ya! Mbera teri na nguru Ha-le-lu-ya!   3 `Kobori`ogoikeranu Ha-le-lu-ya! `Rwanir`esegi_obuire Ha-le-lu-ya! Makweri tamobueti Ha-Ie-lu-ya! Kristo oigoire Igoro Ha-le-lu-ya!   4 Toet`as` aetete Ha-le-lu-ya! Totuny`Omorai oito Ha-le-Iu-ya! Korw`ense toirwe Igoro, Ha-le-luya! Korw`ense toirwe Igoro Ha-le-lu-ya

`BANA BAGATER`AGWO KARE   1 `Bana bagater`agwo kare, `Kero Yes`arinet`etigere; Hosana, Hosana, Hosana Igoro mono.   Chorus: Mater`omogoko, `Bana bater`amater`omogoko, Mater` omogoko, Yes`anchet`amatera.   2 Nanchete aigwe ogotera, Komotogi`Omorwoti O Igoro; Hosana, Hosana Hosana Igoro mono.   3 Natoter`ogoter`okuya, Na baria Omogand`oborigwe; Hosana, Hosana, Hosana Igoro mono.

MONENE NG`EMEREMO   1 `Monene ng`emeremo, Nkore as`omogoko;   Nonya timbwati nguru, Ko ndigeti`emeremo, `Mabok`ane neng`ea, Merem`emeke nkore:   Chorus: `Monene ng`emeremo,   Nkore as`omogoko   2 Nyegene kand`omoke, Amang`an`a Biblia; Ntare chinchera chiao, Nkore n`ogwancha kwao, `Nkoro, `Maboko nkoe, Ngokorer` Omorwoti.   3 Ninsimek`embusuro, Nkor`emerem`emiya; As`Obwanchani nkonya, Ng`ikeranie nkwegene, Nyorokie ngokorere, `Meremo korwa bono.

RIOGI RIE CHIBESA   1 `Riogi rie chibesa, `Kero chikogwa; Ker`eyem`as`are, Yes`achiire.   Chorus: Igwa, Igwa, Igwa, Igwa, Buna chikogwa; Ker`eyem`as`are, Yes`achiire.   2 Chikogwa Korwa`as`Amaboko` a bana; `Keegw`ase Yeso, korw`as` abana.   3 Bono tor`abake, Twaret`ebike, `Kero twakinire, Toret`ebinge.   4 Totari na besa, Tomo` obwanchani, Nabiir`ebi `ebike, As`Omogoko.

NASIBIRI` AMABOKO   1 Nasibiri`amaboko buya bono mambia; Akor`emeremo ya Yeso goika boire.   Chorus: `Magor`ane renda `ase mokong`ira; Mokorere Yeso bwek`emeremo.   2 Ninyateg`amat`ane, ntegerere buya; Nyigw`eki amabok` an` aranyare gokora.   3 Amais` an` arend` amabok `as`emeremo, Tayakor` amabe akore aya Yeso.

YESO NINGOTUNYANE   1 Yeso   ningotunyane, Naigur`okorangeria; Nachire nkwegenete, Ondae gochia nka.   Chorus: Ningotunyane,   Ningotunyane; Ningotunyane, gochi`as`orandae.   2 Yes` otantang`aneti,   Nigo ndasir`enchera; Nche   n`omwor` omorosu, Aye n`Omonguru.   3 `Boror`   okoremerwa,   `Bibe mbintang` enchera; Korende nkogotunya, Nimbe n`oboremu.